ការធ្វើសកម្មភាពរាងកាយ ឬការហាត់ប្រាណបានត្រឹមត្រូវនិងជាប្រចាំដើរតួនាទីយ៉ាងសំខាន់ក្នុងការជួយឲ្យប្រព័ន្ធបន្តពូជដំណើរការបានល្អ។ អត្ថប្រយោជន៍សំខាន់ៗនោះមានដូចជា៖
- ការគ្រប់គ្រងអ័រម៉ូន និងជាតិស្ករ៖ ការហាត់ប្រាណជួយឲ្យរាងកាយប្រើប្រាស់ជាតិស្ករ និងអាំងស៊ុយលីនបានកាន់តែប្រសើរ។សម្រាប់ស្រ្តីដែលមានបញ្ហា PCOS(ថង់គីសក្នុងអូវែ) ការហាត់ប្រាណជួយកាត់បន្ថយជាតិអាំងស៊ុយលីនដែលកើតឡើងខ្ពស់ ដែលជាមូលហេតុចម្បងធ្វើឲ្យមេជីវិតមិនព្រមខ្ជាក់។
- បង្កើនលំហូរឈាមទៅកាន់ស្បូន(Blood Circulation)៖ សកម្មភាពរាងកាយជួយឲ្យបេះដូងលោតញាប់ និងជំរុញលំហូរឈាមដែលមានសារធាតុចិញ្ចឹម និងអុកស៊ីសែនទៅកាន់ស្បូន និងអូវែ។ លំហូរឈាមល្អជួយឲ្យស្រទាប់ស្បូនមានសុខភាពល្អ និងរឹងមាំសម្រាប់ទប់ទល់នឹងការបង្កកំណើតនៃអំប្រ៊ីយ៉ុង។
- កាត់បន្ថយភាពស្ត្រេស អ័រម៉ូន Cortisol៖ ភាពស្រ្តេសខ្លាំងពេកអាចធ្វើឲ្យខួរក្បាលបញ្ឍប់ការបញ្ជូនសញ្ញាទៅកាន់អូវែដើម្បីបញ្ចេញមេជីវិត។ ការហាត់ប្រាណកម្រិតមធ្យមជួយបញ្ចេញសារធាតុ Endorphins (សារធាតុរីករាយ) ដែលជួយកាត់បន្ថយអ័រម៉ូនស្រ្តេស និងជួយឲ្យគេងលក់ស្រួល។
- ការពង្រឹងសាច់ដុំអាងត្រគាក(Pelvic Floor Health)៖ ការហាត់ប្រាណដូចជា Pilate ឬ Yoga ផ្ដោតសំខាន់លើសាច់ដុំស្នូលនិងអាងត្រគាក។ វាមិនត្រឹមតែជួយឲ្យលំហូរឈាមដើរស្រួលក្នុងតំបន់បន្តពូជប៉ុណ្ណោះទេ ប៉ុន្តែវាក៏ជួយរៀបចំរាងកាយឲ្យរឹងមាំសម្រាប់ទ្រទ្រង់ទម្ងន់នៅពេលមានផ្ទៃពោះផងដែរ។
ការហាត់ប្រាណជាប្រចាំនិងទៀងទាត់ល្អ ប៉ុន្តែកុំហាត់លើសកម្រិត។ ការហាត់ប្រាណដែលត្រឹមត្រូវបំផុតនោះគឺត្រឹម ៣០ ទៅ ៦០នាទីក្នុងមួយថ្ងៃ (៣ទៅ៥ដង ក្នុងមួយសប្ដាហ៍)។
