នៅពេលឈានចូលវ័យអស់រដូវ (Menopause) ការធ្លាក់ចុះនៃអ័រម៉ូនអេស្ត្រូសែន (Estrogen) ធ្វើឱ្យការដុតរំលាយអាហារថយចុះ កំហាប់ឆ្អឹងខ្សោយជាងមុន និងងាយប្រឈមនឹងការប្រែប្រួលអារម្មណ៍ ឬក្តៅស្អុះស្អាប់ ខ្លួន (Hot flashes)។
ដើម្បីរក្សាសុខភាពឱ្យមាំមួន និងកាត់បន្ថយអាការលំបាកៗទាំងនេះ ស្ត្រីក្នុងវ័យនេះគួរកាត់បន្ថយអាហារ ៥ ប្រភេទខាងក្រោម៖
– អាហារ និងភេសជ្ជៈផ្អែម៖ ធ្វើឱ្យជាតិស្ករក្នុងឈាមលោតឡើងចុះខុសធម្មតា រំញោចឱ្យបែកញើស និងក្តៅស្អុះស្អាប់ ខ្លួន (Hot flashes) កាន់តែខ្លាំង ព្រមទាំងងាយឡើងទម្ងន់។
– កាហ្វេអ៊ីន និងគ្រឿងស្រវឹង៖ កាហ្វេ តែខាប់ និងស្រា ធ្វើឱ្យបេះដូងដើរញាប់ រំខានដល់ការគេង និងញ៉ាំងឱ្យកើតអាការក្តៅស្អុះស្អាប់ ខ្លួន ឬបែកញើសពេលយប់។
– អាហារប្រៃ និងអាហារកែច្នៃ៖ អាហារកំប៉ុង ឬសាច់ក្រក បង្កឱ្យហើមពោះ ឡើងសម្ពាធឈាម និងបង្កើនហានិភ័យជំងឺបេះដូង។
– អាហារហិរខ្លាំង៖ បណ្តាលឱ្យ កើនកម្ដៅក្នុងខ្លួន ដែលធ្វើឱ្យក្តៅក្រហាយ និងបែកញើសភ្លាមៗក្រោយញ៉ាំ។
– អាហារបំពង និងខ្លាញ់មិនល្អ៖ អាហារ Fast Food ឬប្រេងបំពងឡើងវិញ ធ្វើឱ្យកម្រិតកូឡេស្តេរ៉ូលអាក្រក់កើនឡើង និងប៉ះពាល់ដល់សុខភាពបេះដូងព្រមទាំងឆ្អឹង។
