ទម្លាប់ប្រចាំថ្ងៃខ្លះៗដែលអ្នកទាំងអស់គ្នាមើលរំលងដែលធ្វើឲ្យរំខានដល់ការបង្កកំណើតនិងពិបាកក្នុងការមានផ្ទៃពោះ៖
- ជាតិស្ករក្នុងឈាម៖ កាលណាអាំងស៊ុយលីនក្នុងឈាមឡើងខ្ពស់ពេក វាអាចបង្កជាផលវិបាកដល់តុល្យភាពអ័រម៉ូនបន្តពូជ ដែលនាំឱ្យរំខានដល់ដំណើរការនៃការលូតលាស់ និងការបញ្ចេញមេជីវិតញី (Ovulation) ជាហេតុធ្វើឱ្យឱកាសនៃការមានផ្ទៃពោះត្រូវថយចុះ។
- កម្ដៅ (សម្រាប់បុរស)៖ បុរសៗគួរប្រុងប្រយ័ត្នចំពោះសកម្មភាពដែលបង្កើនកម្ដៅដល់រាងកាយផ្នែកខាងក្រោម។ ការដាក់កុំព្យូទ័រយួរដៃលើភ្លៅដែលបញ្ចេញកម្ដៅពីម៉ាស៊ីនផ្ទាល់ ឬការចូលត្រាំក្នុងអាងទឹកក្ដៅ និងបន្ទប់សូណា (Sauna) យូរពេក សុទ្ធតែអាចកាត់បន្ថយគុណភាព និងបរិមាណមេជីវិតឈ្មោលយ៉ាងខ្លាំង។
- សុខភាពមាត់ធ្មេញ៖ សុខភាពមាត់ធ្មេញមិនមែនជារឿងតូចតាចដែលត្រូវរំលងនោះទេ ព្រោះជំងឺអញ្ចាញធ្មេញរ៉ាំរ៉ៃអាចបង្កជាការរលាកដល់រាងកាយទាំងមូល។ប្រសិនបើអ្នកមានបញ្ហាអញ្ចាញធ្មេញ ហើម ឬឈាមតាមជើងធ្មេញ វាអាចបង្កជាផលវិបាកដល់ការបង្កកំណើត និងប៉ះពាល់ដល់ការលូតលាស់របស់ទារកក្នុងផ្ទៃ។ គ្រូពេទ្យជំនាញណែនាំឱ្យគូស្វាមីភរិយាទៅពិនិត្យ និងព្យាបាលបញ្ហាធ្មេញឱ្យរួចរាល់មុនពេលមានផ្ទៃពោះ ដើម្បីកាត់បន្ថយរាល់ការរលាកផ្សេងៗដែលអាចបង្កហានិភ័យដល់ការសម្រាល និងដើម្បីធានាសុវត្ថិភាពដល់ទារកក្នុងផ្ទៃបាន ១០០%។
